Платформа за интероперабилност

Меѓусебно поврзување и размена на податоци помеѓу државните органи, институциите и бизнис компаниите – Платформа за интероперабилност

Платформата за интероперабилност овозможува електронска размена на податоци и документи помеѓу институциите/компниите на стандардизиран, безбеден и унифициран начин. Размената на податоци помеѓу две институции се одвива според дефинирани стандарди за безбедност, заштита, формат и структура на податоците.

Непречениот проток на информации преку платформата за интероперабилност, го намалува времето потребно за пренос на информациите помеѓу институции, со што се олеснува протокот на електронски информации кои се потребни за обезбедување на јавни услуги прилагодени на потребите на граѓаните и бизнисите. Ваквата размена на податоци ја зголемува ефикасноста при работењето и го зголемува задоволството од услугите кои им се нудат.

Платформата за интероперабилност е базирана на Националната рамка за интероперабилност која ги следи европските начела за интероперабилност (EIF 2.0). Националната рамка за интероперабилност ги покрива сите аспекти на интероперабилноста: правна, организациска, семантичка и техничка:

• Македонска национална рамка за интероперабилност - [Македонски]  [Англиски]
• Модул за македонска интероперабилност ИОП-Л (Правна интероперабилност) - [Македонски]  [Англиски]
• Модул за македонска интероперабилност ИОП-O (Организациска интероперабилност) - [Македонски]  [Англиски]
• Модул за македонска интероперабилност ИОП-С (Семантичка интероперабилност) - [Македонски]  [Англиски]
• Модул за македонска интероперабилност ИОП-T (Техничка интероперабилност) - [Македонски]  [Англиски]
• Модул за македонска интероперабилност ИОП-T (Техничка интероперабилност) Анекс: МИМ протокол - [Македонски]  [Англиски]

На платформата за интероперабилност се приклучени:

1. ЦЕНТРАЛЕН КОМУНИКАЦИСКИ КЛИЕНТ НА ПЛАТФОРМАТА ЗА ИНТЕРОПЕРАБИЛНОСТ
2. УПРАВА ЗА ВОДЕЊЕ НА МАТИЧНИ КНИГИ НА МАКЕДОНИЈА
3. ОСНОВЕН СУД 1 СКОПЈЕ
4. МАКЕДОНСКА АКАДЕМСКА ИСТРАЖУВАЧКА МРЕЖА
5. АГЕНЦИЈА ЗА ВРАБОТУВАЊЕ НА РЕПУБЛИКА СЕВЕРНА МАКЕДОНИЈА
6. ФОНД ЗА ЗДРАВСТВЕНО ОСИГУРУВАЊЕ НА МАКЕДОНИЈА
7. ОСНОВЕН СУД 2 СКОПЈЕ
8. ЦЕНТРАЛЕН РЕГИСТАР НА РЕПУБЛИКА МАКЕДОНИЈА
9. ДРЖАВЕН ЗАВОД ЗА СТАТИСТИКА
10. МИНИСТЕРСТВО ЗА ВНАТРЕШНИ РАБОТИ
11. МИНИСТЕРСТВО ЗА СОЦИЈАЛНА ПОЛИТИКА, ДЕМОГРАФИЈА И МЛАДИ
12. МИНИСТЕРСТВО ЗА НАДВОРЕШНИ РАБОТИ И НАДВОРЕШНА ТРГОВИЈА
13. МИНИСТЕРСТВО ЗА ДИГИТАЛНА ТРАНСФОРМАЦИЈА
    • НАЦИОНАЛЕН ПОРТАЛ ЗА ЕЛЕКТРОНСКИ УСЛУГИ
    • НАЦИОНАЛЕН РЕГИСТАР НА НАСЕЛЕНИЕ
    • ПЛАТФОРМА ЗА ИСПОРАКА НА УСЛУГИ
    • КОМУНИКАЦИСКИ КЛИЕНТ ЗА USLUGI
14. ДРЖАВНА ИЗБОРНА КОМИСИЈА
15. ЦАРИНСКА УПРАВА НА РЕПУБЛИКА СЕВЕРНА МАКЕДОНИЈА
16. МИНИСТЕРСТВО ЗА ОБРАЗОВАНИЕ И НАУКА
17. НЕКСТСЕНС ДОО СКОПЈЕ
18. ДРЖАВНА КОМИСИЈА ЗА СПРЕЧУВАЊЕ НА КОРУПЦИЈАТА
19. МАКЕДОНСКИ ТЕЛЕКОМ АД - СКОПЈЕ
20. ФОНД НА ПЕНЗИСКОТО И ИНВАЛИДСКОТО ОСИГУРУВАЊЕ НА СЕВЕРНА МАКЕДОНИЈА
21. УПРАВА ЗА ЈАВНИ ПРИХОДИ
22. ЈАВНО ОБВИНИТЕЛСТВО НА РЕПУБЛИКА МАКЕДОНИЈА
23. УПРАВА ЗА ФИНАНСИСКО РАЗУЗНАВАЊЕ
24. МИНИСТЕРСТВО ЗА ПРАВДА - АГЕНЦИЈА ЗА УПРАВУВАЊЕ СО ОДЗЕМЕН ИМОТ
25. СЛУЖБЕН ВЕСНИК НА РЕПУБЛИКА МАКЕДОНИЈА
26. УПРАВА ЗА ФИНАНСИСКА ПОЛИЦИЈА
27. АГЕНЦИЈА ЗА КАТАСТАР НА НЕДВИЖНОСТИ
28. ГЕНЕРАЛЕН СЕКРЕТАРИЈАТ
29. НАРОДНА БАНКА НА РЕПУБЛИКА СЕВЕРНА МАКЕДОНИЈА
30. МИНИСТЕРСТВО ЗА ФИНАНСИИ
31. ИНСПЕКЦИСКИ СОВЕТ
32. MASTERCARD (EUROTRUST)
33. КЛИРИНШКА КУЌА КЛИРИНШКИ ИНТЕРБАНКАРСКИ СИСТЕМИ А.Д.
34. МИНИСТЕРСТВО ЗА ПРАВДА
35. МИНИСТЕРСТВО ЗА КУЛТУРА И ТУРИЗАМ
36. АГЕНЦИЈА ЗА ФИНАНСИСКА ПОДДРШКА ВО ЗЕМЈОДЕЛСТВОТО И РУРАЛНИОТ РАЗВОЈ
37. A1
38. ЈП ВОДОВОД И КАНАЛИЗАЦИЈА СКОПЈЕ
39. ЦЕНТАР ЗА УПРАВУВАЊЕ СО КРИЗИ
40. МИНИСТЕРСТВО ЗА ЕВРОПСКИ ПРАШАЊА
41. МИНИСТЕРСТВО ЗА ЗДРАВСТВО
42. ДРУШТВО ЗА УСЛУГИ РСМ ИТ МАКЕДОНИЈА
43. РЕГУЛАТОРНА КОМИСИЈА ЗА ЕНЕРГЕТИКА И ВОДНИ УСЛУГИ
44. ДРЖАВЕН ИНСПЕКТОРАТ ЗА ЗЕМЈОДЕЛСТВО
45. АГЕНЦИЈА ЗА НАЦИОНАЛНА БЕЗБЕДНОСТ
46. МИНИСТЕРСТВО ЗА ТРАНСПОРТ И ВРСКИ
47. МИНИСТЕРСТВО ЗА ЕКОНОМИЈА И ТРУД
48. МИНИСТЕРСТВО ЗА ЗЕМЈОДЕЛСТВО ШУМАРСТВО И ВОДОСТОПАНСТВО
49. ИНСТИТУТ ЗА АКРЕДИТАЦИЈА
50. МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ
51. ОПШТИНА АЕРОДРОМ
52. АГЕНЦИЈА ЗА ЕНЕРГЕТИКА
53. АГЕНЦИЈА ЗА ХРАНА И ВЕТЕРИНАРСТВО
54. МАПАС АГЕНЦИЈА ЗА СУПЕРВИЗИЈА НА КАПИТАЛНО ФИНАНСИРАНО ПЕНЗИСКО ОСИГУРУВАЊЕ
55. ЕЛЕКТРОНСКИ СИСТЕМ ЗА РЕГИСТРИ
56. МАКЕДОНСКО КРЕДИТНО БИРО
57. ФАРМАЦЕВТСКА КОМОРА НА МАКЕДОНИЈА
58. ЈАЗОЛ НА МАКЕДОНСКА АКАДЕМСКА ИСТРАЖУВАЧКА МРЕЖА
59. МАКЕДОНСКА АКАДЕМСКА ИСТРАЖУВАЧКА МРЕЖА
60. ЈАВНО ПРЕТПРИЈАТИЕ ЗА ДРЖАВНИ ПАТИШТА
61. УНИБАНКА - ТВОЈАТА БАНКА
62. Народен правобранител на Република Северна Македонија
63. МТЕЛ ДООЕЛ Скопје

Институциите/компаниите кои сакаат да се приклучат на платформата за интероперабилност и да разменуваат податоци преку оваа платформа, имаат обврска да обезбедат сопствен комуникациски клиент, кој претставува медијатор помеѓу нивните позадински системи и централните сервери на платформата за интероперабилност.

Секоја институција/компанија која се приклучува на националната платформа за интероперабилност неопходно е да обезбеди соодветен хардвер и софтвер за комуникацискиот клиент со следните минимални карактеристики: Минималните технички предуслови за комуникациски клиент.

За приклучување на платформата за интероперабилност, компаниите треба да ги имаат во предвид законските одредби од Законот за електронско управување и електронски документи и неговите подзаконски акти

Со Законот за електронско управување и електронски услуги како единствена околина за размена на документи и податоци по електронски пат (управувана околина за стандардизирана размена на документи и податоци меѓу органите) е националната платформа за интероперабилност - Македонска информациска магистрала (МИМ).

Во членот 9 од Законот пропишана е и обврската за користење на МИМ при што: „Органите и другите субјекти се должни при размена на електронски документи и податоци да ја користат МИМ, управувана од Министерството за дигитална трансформација. Стандардите за интероперабилност на МИМ, врз основа на кои е изградена националната платформа за интероперабилност, ги пропишува министерот за дигитална трансформација со посебен акт.

Во Законот за електронски документи, електронска идентификација и доверливи услуги, интероперабилноста е дефинирана како способност на два или повеќе системи или нивните компоненти за размена на податоци и олеснување на заедничката употреба на податоци и знаење.

Законски, подзаконски акти, стратешки документи и други документи од значење за ревизијата:

Закони:

• Закон за електронско управување и електронски услуги
• Закон за електронски документи, електронска идентификација и доверливи услуги

Подзаконски акти:

• Правилник за минималните технички барања и стандарди за обезбедување на електронски услуги
• Правилник за стандардите за квалитет на податоци во поединечните бази на податоци на надлежните органи и изворниците на податоци
• Правилник за начинот и процедурата за упис во листата на правни лица кои вршат проверка за интероперабилност на информациските системи, формата и содржината на сертификатите за интероперабилност, процедурата за издавање сертификат за интероперабилност и процедурите за проверка на безбедноста и интероперабилноста на информациските системи
• Правилник за стандардите за интероперабилност на македонската информациска магистрала и стандардите и правилата за безбедност на информациските системи за обработка на податоци во електронска форма и стандардите и правилата за безбедност на информациските системи кои што се користат од органите за комуникација по електронски пат
• Правилник за начинот на користење на информациските системи за обработка на податоците во електронска форма од страна на органите преку МИМ и формата, содржината и начинот на користењето, запишувањето, пристапот и чувањето на регистарот на услуги

Листа на веб сервиси ги содржи сите веб сервиси/методи за размена на податоци кои институциите/компаниите можат да ги реискористат за своите потреби.

Генерални придобивки од размената на податоци преку платформата за интероперабилност:

• Основна инфраструктура за понатамошна дигитализација и развој на е-услуги кои државата ги нуди на граѓаните и бизнисите;
• Електронска, стандардизирана и сигурна размена на документи и податоци помеѓу институциите/компаниите;
• Брза и ефикасна комуникација помеѓу институциите/компаниите со што се зголемува ефикасноста при спроведувањето на постапките;
• Зголемена ефикасност и ефективност во работењето на органите на државната администрација и на компаниите;
• Побрз и полесен пристап на компаниите до податоците кои ги бараат од институциите;
• Зголемен квалитет на владините електронски услуги;

Следни активности

Зголемувањето на бројот на институции и бројот на веб сервиси/методи за размена на податоци претставува континуиран процес и главна цел на Министерството за дигитална трансформација. Министерството за дигитална трансформација континуирано обезбедува поддршка на институциите/компаниите за нивно активно партиципирање во размената на податоци преку платформата за интероперабилност, со цел зголемување на искористеноста на истата.