Гордана Клинчарова е родена на 19 Август 1974 година во Скопје, Република Македонија. Дипломирала на Економскиот факултет при Универзитетот Св.Кирил и Методиј во Скопје на смерот за Финансиско сметководствен менаџмент. Своето работно искуство го започнува во 2000 година во Министерството за финансии, на позиција самостоен советник во секторот за трезор, во 2001 добива унапредување во рамки на истото министерство каде што станува раководител на сектор на Кабинетот на министерот, во 2002 е назначена за Директор на Агенција за работа со блокирани сметки, а истата година подоцна е вратена во министерството за финансии каде што станува советник на министерот до крајот на 2003 година, за подоцна да премине во приватниот сектор како Директор на дирекција во Универзалната Инвестициона Банка АД Скопје и да се задржи до 2006 година. Во септември 2006 година Гордана станува Директор на Биро за стокови резерви АД Скопје. Во 2009 е назначена за Секретар на Град Скопје каде што го извршува својот мандат до 2014 година, при што повторно се враќа во приватниот сектор каде што останува се до 2022. Во Јануари 2022 станува Раководител на сектор за финансиски прашања во Општина Аеродром, а од Јули 2024 стапува на функцијата Државен Секретар во Министерството за дигитална трансформација.
Помеѓу редовните работни ангажмани, Клинчарова дополнително била и член на Надзорен Одбор на ЈП Комунална Хигиена, Претседател на Надзорен Одбор на Државна Лотарија, Претседател на Агенција за електронски комуникации, Финансиски советник, истражувач во Македонија 2025.
Поседува и лиценца за брокер и сертификат за обучувач за јавни набавки.