Европската комисија отпочна со распишување на повици за користење на средства од Програмата „Дигитална Европа“ за одредени проекти. На овие конкурси ќе можат да учествуваат компании, јавната администрација и други субјекти од земјите-членки на ЕУ и ЕФТА, како и од трети земји кои се дел од „Дигитална Европа“, меѓу кои и Северна Македонија.
Следниот пакет на претстојни повици е објавен на Порталот за можности за финансирање и јавни набавки:
- EDIHs AI Continent (DIGITAL-2025-EDIH-EU-EEA-08) - 1 тема
- AI Continent (DIGITAL-2025-AI-08) - 5 теми
- Accelerating the Best Use of Technologies (DIGITAL-2025-BESTUSE-08) - 2 теми
- European Digital Innovation Hubs - Associated countries; EDIHs with reinforced AI focus (DIGITAL-2025-EDIH-AC-08) - 2 теми
- Advanced Digital Skills (DIGITAL-2025-SKILLS-08) - 3 теми
Повикот DIGITAL-2025-EDIH-EU-EEA-08 е отворен за пријавување на 3 април 2025 – краен рок 14 мај 2025.
Другите повици се планирани да бидат отворени за пријавување на 15 април 2025 – краен рок 2 септември 2025.
***
Работната програма ќе се фокусира на примена на вештачката интелигенција во бизнис секторот и јавната администрација, ќе се зголеми сајбер безбедноста и ќе се инвестира во дигиталните вештини.
Клучните приоритети на Работната програма вклучуваат подобрување на достапноста на генеративни апликации за вештачка интелигенција, особено во здравствениот сектор, како и поддршка на европските центри за дигитални иновации. Ова ќе им овозможи на компаниите и јавниот сектор пристап до техничка експертиза, тестирања, консултации, обуки и вештини за имплементирање на најновите технологии.
Со Работната програма ќе се поттикнат иновации за развој на стратешки технологии преку подобрување на пристапот до јавни и приватни финансиски средства.