Везилка, Националната антена на фабриките за вештачка интелигенција при ФИНКИ, УКИМ, поддржана од Министерството за дигитална трансформација, ја започнува првата бесплатна јавна обука за вештачка интелигенција: курсот „AI Literacy for Everyone“, составен од три вебинари.
Првиот вебинар, „Вовед во ВИ“, ќе се одржи во вторник, 29 септември 2026, од 10:00 до 13:00 часот, хибридно: во амфитеатарот на ФИНКИ во Скопје (локација) и онлајн. Предавачи се проф. д-р Андреа Кулаков и м-р Елена Атанасоска од ФИНКИ.
За кого е
За сите вработени во јавната администрација и пошироката јавност што сакаат да разберат што е вештачка интелигенција, објаснето едноставно и разбирливо, со примери од секојдневието. Не е потребно техничко предзнаење.
Како да се вклучите
1. Отворете ја страницата на курсот: AI Literacy for Everyone на train.vezilka.ai.
2. Најавете се преку „Log in“ → „AAI.mk“ (со eID.mk, универзитетски профил или Vezilka Visitors). Чекор по чекор: Упатство за најава (PDF).
3. Притиснете „Запиши се · Enrol“, па „Enrol me“. Со едно запишување добивате пристап до сите три вебинари, вклучително и онлајн следењето.
Следните два вебинари, „ВИ алатки“ и „Етика и иднина“, ќе бидат најавени дополнително. Подоцна оваа година следува и курсот „AI in Public Administration“, наменет за јавната администрација.
За прашања и проблеми со најавата: train-support@vezilka.ai.
Тимот на Везилка · vezilka.ai
