Министерството за дигитална трансформација ја информира јавноста и релевантните засегнати страни дека на 29 април 2026 година, ќе се одржи онлајн Инфо ден и Настан за вмрежување посветен на 10-тиот повик за Напредни дигитални вештини во рамки на програмата Дигитална Европа (Digital Europe Programme).
Настанот е организиран од Европската комисија, во соработка со Извршната агенција на Комисијата за здравство и дигитални технологии (HaDEA) и Платформата за дигитални вештини и работни места.
Основни информации:
Датум: 29 април 2026 година
Време: 10:00 – 16:00 часот (CEST)
Формат: онлајн
На 1 април 2026 година беше објавен 10-тиот сет на повици во рамки на Програмата Digital Europe, кој официјално се отвори на 21 април 2026 година, со краен рок за поднесување на проектни предлози до 1 октомври 2026 година (17:00 часот, CEST).
Области на повикот:
Повиците се насочени кон развој на напредни дигитални вештини и ги опфаќаат следните теми:
· EdTech Accelerator (DIGITAL-2026-SKILLS-10-EDTECH)
· Национални коалиции за дигитални вештини и работни места (DIGITAL-2026-SKILLS-10-NATIONAL-COALITIONS)
· Напредни дигитални вештини за примена на вештачка интелигенција во здравството (DIGITAL-2026-SKILLS-10-DIGITAL-HEALTH-STEP)
Програма на Инфо денот:
Настанот ќе опфати:
· Презентација на повиците од страна на претставници на Европската комисија
· Насоки за подготовка на lump sum буџет
· Практични информации за поднесување на проектни предлози
· Сесија за прашања и одговори
Настан за вмрежување:
Во попладневниот дел (13:00 – 16:00 часот) ќе се одржи Настан за вмрежување, кој претставува можност за:
· поврзување со потенцијални партнери
· размена на идеи
· формирање на конзорциуми за аплицирање на повикот
Регистрација:
За учество на Инфо ден, заинтересираните страни може да се регистрираат на следниот линк: https://ec.europa.eu/eusurvey/runner/InfoDay_April_2026
За учество на Настанот за вмрежување, потребно е да се изрази интерес при регистрацијата и да се пристапи кон алатката за вмрежување.
Повеќе информации за повиците можете да најдете на: EU Funding & Tenders Portal и на https://www.euro-access.eu/en.
Министерството ги охрабрува сите релевантни институции, организации, компании и образовни установи активно да се вклучат во настанот, со цел навремено позиционирање и подготовка на квалитетни проектни предлози, поврзување со потенцијални партнери, размена на идеи и градење на силни конзорциуми за 10-тиот повик за Напредни дигитални вештини во рамки на Програмата Digital Europe.